聖誕節｜囝囝秒速變臉勁可愛 沈卓盈：聖誕老人大個仔啦

沈卓盈（Jess）2019年同老公Calvin結婚後，2021年5月誕下囝囝Jayden，而家Jess已經淡出娛樂圈，專心相夫教子。今日適逢係聖誕節，Jess準備家庭裝同老公同埋一歲半嘅囝囝影靚相，佢又為Jayden換上聖誕老人裝，呢位迷你聖誕老人可愛到暈，姿勢多多，表情十分豐富！Jess喺IG分享多張全家福，又感慨留言：「聖誕老人大個仔啦，為大家示範1秒變臉，又愛笑又愛哭的聖誕BB，點解大得咁快㗎。」網民讚Jayden愈大愈靚仔，Jess好姊妹陳自瑤亦留言：「So cute cute。」