楊怡同羅仲謙2016年結婚，去年4月誕下愛情結晶味「小珍珠」，今年係佢哋成為一家三口後第二次慶生～雖然今年同上年一樣受疫情影響冇得飛去日本玩，但兩位壽星都帶咗小珍珠去香港某主題公園玩。
同樣係8月生日嘅羅子溢同楊茜堯，今日楊茜堯終於share咗佢哋一齊慶生嘅合照，超溫馨！楊茜堯：「簡簡單單，已經好滿足。開心不是因為生日，開心是因為有家人在身邊，生日快樂，大家都要身體健康，每天愛我多一些。珍珠看到米奇老鼠，興奮到飯也不想食，爸爸拖着，天光走到天黑也不累，婆婆和嫲嫲最累。」羅子溢：「一家幾口度過一個簡單而溫馨嘅週末，祝自己同老婆生日快樂。寶貝，爸媽帶你去樂園玩，長大後，就到你帶爸媽去環遊世界。」
圖片來源：羅子溢、楊茜堯@Instagram
