羅子溢（前名羅仲謙）與楊茜堯（前名楊怡）結婚5年，去年4 月誕下小珍珠，近月又在醫院秘密產子，成功湊成一個「好」字。羅子溢之前都有喺Instagram分享過仔仔嘅相，不過只係見到一對腳仔，所以唔少網民都好奇佢係咩樣。直至今午，楊茜堯同羅子溢終於再分享仔仔相，今次仲見到樣添！
羅子溢︰「連日嚟收到大家嘅訊息，感謝大家嘅祝福！作為丈夫，好感激太太嘅付出，懷孕期間太太同時要照顧心心，又要打理各方面嘅事情，要好感激太太嘅一切一切。
當細佬出世嘅時候，睇到心心有微妙嘅轉變，感覺佢突然長大，可能感受到自己係姐姐，睇到佢主動摸細佬、錫細佬，我同太太都好感動，作為父母最大心願都係希望自己嘅小朋友能快樂、健康成長！」
楊茜堯︰「謝謝老公你雖然還像個大孩子般貪玩，但也在努力學習中，感激我媽媽，一直勞心勞力地照顧珍珠家姐，I love you 媽媽，還有奶奶的幫忙和照顧，減輕不少負擔，有家人和朋友們的陪伴是最好的止痛藥。」
圖片來源︰羅子溢@Instagram
