新冠肺炎疫情嚴重，令大家聖誕節都去唔到party，不過慈善團體「仁美清叙」主席程瑤與老公朱仲賢就同溫哥華主辦單位合作舉行網上聖誕慈善騷，更邀請兩地藝人演出，籌款幫助兩地的智障學童及醫護。
聖誕騷邀請了多位藝人演出，當中包括林曉峰、甄澤權、歐陽德勛、區永權、曹震豪，以及一班近屆亞姐兼「仁美」成員羅思雅、范莎莎、何雙妍及高文君「獻聲」，而甄澤權則表演近距離魔術。發起人朱仲賢感謝台前幕後及藝人朋友前來參與，他表示︰「疫情關係好多活動都要暫停，而呢個加拿大同香港一齊做嘅網上慈善活動，希望在聖誕節可以將快樂帶俾大家。」
林曉峰笑言今次只有唱歌表演「未夠喉」，他笑說︰「我覺得有少少失望，今次淨係邀請我唱歌唔邀請我做主持，機會比曬兩位亞洲小姐做。」他笑說下次要一手包辦主持兼唱歌，把歡樂帶給大家。
而甄澤權表示︰「今日魔術表演同願望有關，因為今年大家都唔係咁開心，好多願望都未能夠達成，希望可以帶多少少鼓勵畀大家，睇完魔術會開心番。」最後程瑤表示：「好多謝今次香港加拿大所有台前幕後，大家全屬義務性質，一齊行善真係好開心，希望短期內工作恢復，大家再一起做更多表演比觀眾睇。」
