《盛‧舞者》今晚（12日）播出第6集，隨劇情推進，各參賽者亦逐步展現特色及實力，當中備受關注的有狄易達戰隊的Tania（陳苑澄）同火雞姐（丁可欣），Tania仲大讚火雞姐係隊中靈魂人物。
狄易達戰隊的Tania（陳苑澄）實力不容忽視，根據資料，Tania自小受過藝術體操等相關訓練，難怪在節目中無論側手翻、倒立、擘髀等高難度動作均完全難不到她。但Tania受訪時直指自己不是天生柔軟，而是透過後天苦練：「因為細細個就跳芭蕾舞、中國舞，後來仲加入埋藝術體操港隊，所以先幸運地得到磨練嘅機會。」
若有細心收看節目，不難發現Tania是一個感情豐富及愛笑的女孩，更明顯與火雞姐感情要好，Tania笑言：「隊中只有我地兩個女仔嘛，咪互相照顧咯，好記得有一次搭旅遊巴，佢一上車就問Tania喺邊，因為佢驚我懵懵地唔知去咗邊。火雞姐嘅執行力好好架，佢可以推動到成條Team去實踐完整嘅表演。」
