無綫爆疫劇組停工，只有處境劇《愛・回家》仍需開廠，本來正忙於拍攝《法言人》的珊姐因近日停廠，故有機會回歸《愛・回家》客串，與戲中兒子頭皮（吳卓衡）演出一場大龍鳳，珊姐說：「觀眾話我係御用悲情媽媽，《法言人》裏面我做惡過老虎的大家族新抱，做的戲比較嚴肅，但自從做咗頭皮媽之後，我覺得自己都幾有喜劇細胞，呢集真係好好笑，希望大家不要錯過。」
爆疫期間開工，問珊姐有什麼抗疫準備？「出門前我先做測驗確認身體狀況，出入帶兩個口罩和隨身拿着一部原用於汽車的殺菌機，入化妝間前會做公司提供的檢疫包再做一次快測先去化妝，公司一小時內都會有人來消毒幾次，除拍戲外，平時大家都唔會傾偈，都會煲啲抗疫湯飲吓。」
據知，珊姐煲的抗疫湯，材料有百合、蓮子、馬蹄、腰果、花生、栗子（連衣）、果皮（少量）、青紅蘿蔔、紅棗、蜜棗和薑（少量），她說超好飲呢！