王嘉儀（Sophy）積極籌備新專輯，新歌《自然變態》是她加盟新公司的首支派台作品，她更於疫情期間特地飛往台灣錄製，希望從中吸收更多：「可以喺疫情之下去台灣錄音係一件非常幸福嘅事情，基本上都冇唔方便，始終可以喺台灣同唔同音樂人合作，喺佢哋身上學到好多唔同東西，同埋擴濶我嘅視嘢，返嚟再同香港嘅音樂人合作，令今次專輯更多元化，秉承我自己做音樂嘅精神。」
Sophy今次親自操刀譜寫旋律，歌詞則找來過去曾合作的周耀輝，「耀輝用一個宏觀角度講何謂『變態』，好喜歡佢呢個從『變』講到『變態』嘅概念。其實好多我哋視為唔正常甚或變態嘅事情，又或者變幻本身呢件事，都係自然嘅一部份，擁抱呢啲變幻、唔正常，或者係社會覺得變態嘅事情，係一種好有力量同解放嘅心情。」
在MV方面，今次Sophy找來一班她形容為「古靈精怪」的朋友參與其中，更說：「有一種大家都係自然變態，同屬一個秘密地下組織嘅感覺。」因為有這班朋友一同拍攝MV，Sophy也盡情釋放自己，透過跳舞表達自己的內在情緒，她說：「因為始終係一首舞曲，所以將自己以前從未展現過嘅面向俾大家睇。其實每一次做新Project都希望挑戰自己，隨着《自然變態》嘅音樂郁動我嘅身體，都係一件自然不過嘅事情，希望大家會有新鮮感，會覺得我郁得夠自然夠好睇。」
除了跳舞，不懂駕駛的Sophy更要在MV中「飛車」！Sophy笑說：「場景同歌曲係非常吻合，但本人係冇揸車，係幾需要豁出去同埋有膽量去做嘅嘗試，不過最緊要拍出嚟好睇同進入到呢首歌嘅音樂世界。」