香港電影金像獎頒獎典禮將於7月17日隆重舉行，電影《梅艷芳》獲提名多個獎項，其中獲得「最佳女主角」及「最佳新演員」提名的王丹妮（Louise）以及最佳女配角提名的廖子妤（Fish），早前在線上與粉絲見面，率先為頒獎禮熱身，並透露更多拍攝及宣傳《梅艷芳》時的趣事。
作為香港年度盛事的香港電影金像獎，一眾演員於紅地氈爭妍鬥麗，絕對是大家必定留意的焦點之一。兩位演員被問到有關紅地氈的衣著準備及配襯共識，她倆異口同聲表示仍在考慮中，Fish坦言︰「其實我係一個怯場鬼！對於要行紅地氈都非常緊張，係你哋以為我好淡定！所以仲諗緊到時要點打扮。」
在《梅艷芳》飾演梅艷芳、梅愛芳兩姐妹，令她倆成為好朋友，在直播中齊齊用80年代的說話方式與大家玩小遊戲，更即席挑戰默契比賽，笑料百出，亦一度變成爆料時間，盡顯二人的親密關係。當中最爆笑的，莫過於她們指出對方最喜歡自己身體哪個部位，Louise成功估中Fish最欣賞自己的鎖骨和手指，更自爆︰「我最鍾意自己嘴唇旁嘅『為食墨』，因為我真係好鍾意食嘢，哈哈！」
當談到對金像獎的期待，Louise表示：「由籌備、拍攝、宣傳，對我嚟講係個好深刻嘅旅程，畢竟我係一個新演員，要做女主角，仲要係演梅姐，真係好大使命感，好開心一直都收到各位觀眾嘅支持，希望《梅艷芳》喺金像獎可以得到好成績，亦都希望廖子妤可以拎到女配角獎，因為佢真係演技好好。」廖子妤亦表示：「個人獎當然想攞，但更加想Louise同埋套戲都可以得到獎項，因為我哋一眾台前幕後都好俾心機去做。如果得到好成績，我哋不如同大家分享吓我哋關於梅姐同埋家姐Ann姐嘅收藏，同大家一齊再次感謝佢哋帶俾我哋嘅一切回憶！」
