谷德昭主持的ViuTV節目《爆谷一周》今晚（30日）播出的一集，邀請了《金手指》編劇兼導演莊文強和主角梁朝偉擔任嘉賓。偉仔在節目中解釋接演原因：「我覺得我係俾個角色吸引，同我以前演過嘅十分唔同，加上我想試一啲新嘅角色。我覺得個角色好有趣，而且我參考過真實嘅故事，的確係幾離譜。」他又表示在演繹角色方面有意想不到的效果：「我無諗過會演到咁，我自己一路拍一路搵。去到拍攝中段，我會問自己喺演繹依個角色方面係唔係可以去盡啲、去得張狂啲。演嗰時佢（莊文強）都會問我得唔得，我都唔清楚，只係感覺上依個角色可以去到失控同以為自己係神。」。導演莊文強指拍攝過程雖然非常冒險，每日收工最常問到「Are you sure」，最後卻有意外收獲，過程亦十分好玩。
《金手指》裏面演員的造型各有特色，谷德昭問偉仔有否被阿Sa（蔡卓妍）「心口咁大」的造型嚇倒，偉仔笑言一早有心理準備；導演莊文強則指該造型幫助到阿Sa拍攝：「我想佢（蔡卓妍）穩定啲。剪片嘅時候發覺，佢每一次起身行步路，第一件事係抖啖氣，成個膊頭闊咗，變相佢個人都淡定啲。」
谷德昭提到偉仔在一個訪問裏面形容岑珈其十分勤力，導演莊文強亦大讚岑珈其：「就算無台詞或者唔關佢事嘅戲，佢都會搏命演出。佢係一個覺得做少咗會唔好意思，做多咗亦唔會認屎認屁。所以我一直都想同佢合作，想試下依個後生仔」。另一方面，偉仔透露自己在拍攝之外的時間會主動接觸年輕演員：「我盡可能同佢地溝通，等佢哋覺得舒服啲，緩和緊張嘅氣氛。因為我自己初初出道都係咁，即係會發覺喺輕鬆嘅環境下會更容易發揮。情願留喺現場同年輕演員傾下偈，相處熟啲，俾佢哋知道自己都係普通人一個。」
電影雲集兩大影帝偉仔和劉德華再度同台，莊文強表示怕觀眾會將《金手指》與二十年前的《無間道》做比較，但亦是無可避免：「唔通依兩個人一世都唔見面咩。」另外，莊文強翻看《無間道》後感慨偉仔和劉德華的演技進步了很多，兩人在演繹方面比過往更懂得拿捏分寸。
谷德昭透露與偉仔拍攝賀歲電影《玻璃樽》時，偉仔被演繹白馬王子阿拔這角色難倒，偉仔則表示「搞唔掂」，笑言天生唔做得乸型。
