羅家英與汪明荃（阿姐）首次夫妻檔拍廣告，二人今日出席記者會，提到家庭財政分配，家英哥說他們無論工作和收入向來財政獨立，即如今次廣告是由不同人士接洽，又簽了保密協議，臨拍攝前他才知道是跟阿姐合作。他說︰「我哋事前大概知佢都有機會拍銀行廣告，我以為阿姐未簽約落實，正想懶威話佢知我接咗大廣告拍，後來先知係一齊拍。」
阿姐則謂今次是他們首次夫妻檔正式一齊拍廣告，並證夫妻財政獨立，「去外地旅行都係各自俾機票酒店食宿等費用。今次拍廣告，我哋都是分開收酬勞。大家嘅合約都係保密，我唔知道他酬金有幾多？我連佢身家數字有幾多都唔知，只見佢接工作，拍片講幾句說話就有錢收，成日密密執！不過，佢多年嚟都係俾我同一數目嘅家用，冇加過。我當然有啲唔滿意啦！」
家英哥笑言在老婆面前最好扮窮，但多年來一直有象徵式給阿姐家用。他還說一早識用網上理財，但不打算教阿姐。家英哥說︰「阿姐很笨，我怕教她會變成鬧交收場。為了夫妻感情，可免則免。」