烹飪節目有好多種，不過唔係個個菜式都可以喺屋企自己煮到。每次在電視見到剛煮好的菜式就流晒口水，但都只是「有得睇冇得食」。以下哪一個烹飪節目你最喜歡呢？
上星期剛播完最後一集《肥媽教落食平D》，仔細數一下，原來肥媽食平啲系列已經去到第六輯。肥媽教煮的菜式範圍好廣，有各國菜式、平民菜與貴價料理、日常菜式到創意新菜，樣樣都有。最重要是節目主打「平」，用的材料都可以在街市買到，睇完無論是勞煩媽媽還是自己煮都一樣無難度。除了煮餸，其實肥媽同陸浩的嘻鬧場面都幾吸引好笑。
「美女廚房，食咗先講。」這句口號大家一定聽過。美女廚房每集都請幾位美女上去做嘉賓煮餸大放笑彈，不過是否識煮就因人而異。煮得好的例如廚神蘇玉華，都會令觀眾好想一試她的手藝；不懂烹飪的美女亦有很多，好多時煮完都是未熟的，觀眾都睇到一額汗。
講到教人煮餸就不得不提方太了，「今晚食乜餸？」這一句經典口號原來都是出自《方太美食廣場》的。70年代起，方太就開始主持電視節目教大家煮餸，雖然是一些家常菜，但平易近人的形象令她十分入屋。好多人睇完都會立刻想試煮一下，直到今時今日仲有人會問有無當年方太教煮的海鮮粉絲煲食譜。
鼎爺李家鼎功夫了得就人盡皆知，但誰也想不到他是烹飪好手，所以《阿爺廚房》一出街，立刻吸引不少觀眾。他教的菜式是傳統廣東菜，看似平常但很考功夫。平日粗獷的鼎爺原來很細心，煮餸的時候每一個細節都好用心處理，連正宗的切陳皮手勢都教給觀眾，難怪網民激讚他「夠晒貼地」。
圖片來源：互聯網