溫碧霞（Irene）主演彭浩翔執導的幽默愛情片《如果人魚不劈腿》，日前在高雄進行開鏡禮。第一日開拍，導演馬上安排一位金毛健碩壯男與Irene演對手戲，首次見面，金毛男已顯得非常熱情奔放直撲向Irene擁吻，把Irene逗得十分開心，直叫好鍾意佢（金毛男）：「哈哈！佢好熱情，可能佢聞到我有養狗，所以特別鍾意我，佢一見到我就撲過來，攬住我，係咁錫，佢攬到好實，好可愛好乖，仲好有戲添！」Irene讚完一輪，正式介紹這位熱情男：「佢係金毛尋回犬，在戲中角色名叫『Hea』！」
電影講述Irene最愛開電動車，帶着愛犬金毛Hea四圍去遊車河，亦是Irene首次在台灣開電動車。在開拍前，導演特別安排Irene在安全沒人的地方學車，因為Irene本身喜歡踩單車，所以一學就上手，她大讚好拍檔金毛Hea好戲又好乖巧，「牠好厲害，好似識演戲咁，坐在車上好定，仲要完全做到導演要求，拍得十分順利，多謝這位好拍檔。」
