湯盈盈大曬性感泳衣照囡囡化身樹熊攬到實

湯盈盈本月30日將踏入44歲，日前佢開始放兩星期大假，偕同老公錢嘉樂以及兩個囡囡Alyssa、Kassidy到外地慶祝生日，一家四口相當幸福！

盈盈雖然已是兩女之母，佢身材仍好fit，仲大方地分享泳裝照。盈盈寫道：「Savouring every moment ~ beautiful swimsuit design by Sheh（細細品味每一刻，由Sheh設計的漂亮泳裝）」佢身穿由好姊妹佘詩曼設計嘅黑色連身泳衣，展現出美好身段。

而盈盈又貼出與囡囡嘅温馨合照，囡囡着住紅色泳衣同戴上泳鏡，可能佢游完水覺得攰，見到媽媽就忍唔住化身樹熊撒嬌，攬到盈盈實一實，場面十分有趣。