渣打馬拉松2023 今日（12日）舉行，「長跑好手」梁諾妍（Inez）以3小時57分16秒完成全馬比賽，今次是她產後首次再跑，加上有舊患，她表示很滿意這個成績，「以前我一開始就衝，但今次一直保持步速，去到尾段感覺還有『貨』才衝刺。」
Inez透露身在巴西的老公洪永城（Tony）亦有在賽前傳信息為她打氣，「訊息只有兩句，就是加油和加油﹗」她又期望之後與老公結伴跑全馬，「我懷疑他想避開，所以去了巴西工作。明年，我不准他在賽事月份離港。」Inez亦不擔心老公拖慢成績，「我會跑走先，喺終點等他，希望將來可以一家三口一齊跑。」Tony隨後亦在IG分享一段影片恭賀太太順利完成賽事，並留言：「You are the best，我親自嚟唔到，唯有派個女過嚟。」片中見Inez將獎牌交給囡囡Amber，Amber即放到口中咬，相當可愛呢！
Inez亦在IG分享感受：「請相信自己是可以的，由於以前嘅全馬我一開跑都一味衝衝衝，衝到最後就一定撞牆。跑到最後都係捱得好辛苦咁完走，今次我終於大個女啦，一開始開得好穩陣好保守，食gel都係每7K就食，去到最後真係仲有貨，不過太遲加速，完走時都仲有貨。但係呢個成績我已經好滿足好滿足，天氣熱再加濕氣100%，一直都係想sub 4但係唔敢大大聲講因為驚自己做唔到，最後無傷完走再sub 4好滾動。完走見到sir face 係最最最快樂。」
她亦感謝這兩個月所有陪練的朋友和老公隔空在巴西的鼓勵，「我真係好鍾意好鍾意跑步，呢兩個月又要做野又要拍野又要湊女s雖然真係好chur好chur，但係我真係好樂在其中，多謝跑步令我進步。」