羅天宇今日出席《婚後事》宣傳活動，他於劇集《再見．枕邊人》和《婚後事》中皆有演出，在《婚》劇中他既激咀胡美貽，又在沙灘裸跑，提到拍攝沙灘祼跑戲分時，他面露尷尬，「拍之前幾晚都失眠，因為只係影我前面。拍攝當日我要著住條低腰貼身肉色打底褲喺沙灘跑，講我幻想自己好開心及奔放，雙手（綁）絲帶好飄逸咁跑，來回拍咗5、6次，當時沙灘都有人見到，我只可以麻醉自己好享受，加上現場好多女同事，我見成班女同事都睇得好開心，每拍完一個take，啲女同事露出燦爛嘅笑容，所以拍完呢場戲我都好大心理陰影，一直到𠵱家都唔敢去沙灘。」