汪明荃（阿姐）入行超過50年，出道以來一直形象百變，走在潮流尖端的阿姐當然擁有許多華裝美服。阿姐趁着今日好天氣，便將所有珍藏「曬冷」，讓粉絲大開眼界，「這次曬的大多是登台衫，原來這是姐衣服歷久不衰的秘訣，可以開個服裝展覽。」
阿姐貼出曬衫的照片，她指好天曬衫這個習慣從小就開始 ，「1/11/2020天氣超級好，又係曬衫日。這個習慣由細個嗰陣已開始，當年住喺北角清華街，一座四層樓嘅舊式樓宇，地下係車房，租出做一間小士多店，仲有頂層一個大天台，我家住3樓，仲有一個騎樓。每年放暑假，媽咪都要我同家姐細佬負責將家中各人的冬天衫、棉胎等，搬上天台去曬太陽，是一個好大嘅工程。仲要連續曬2日，確保所有衣物都清潔 、殺菌、冇蛀壞、冇發霉⋯⋯咁做啲衫就可以著耐啲、襟啲。仲記得曬衫個陣我會擔櫈仔坐定定睇公仔書、武俠小說，因為我要守住/睇住啲衫，驚俾人偷咗呀！……童年的快樂時光。」
胡蓓蔚（豹嫂）看到阿姐的珍藏亦忍不留言：「啲衫會唔會靚得滯？」阿姐回應：「對住成堆衫，我諗緊究竟用咗幾多錢同埋心機，為咗演出好，可以去到幾盡？值得嗎？」豹嫂則說：「絕對值得！對自身嘅要求係全方位嘅，包括每一次行頭，所以Lisa姐就係Lisa姐！」阿姐也表示欣賞豹嫂的衣着，「豹嫂仲勁過我啦！每次行出來都係勁秋！勁靚！」另外有網民擔心問：「想像唔到突然落雨點算？」阿姐就表示：「咁就要留意天氣報告啦，香港天文台都OK㗎！」
圖片來源：汪明荃@Instagram