張振朗及龔嘉欣今日為劇集《靈戲逼人》出席宣傳活動，劇集已開播一星期，跨平台直播收視最高21. 7點，成為收視之冠，令眾演員相當興奮，振朗說：「好開心成績咁好，原本諗住輕輕鬆鬆俾觀眾笑吓，希望收視可以一直保持住。（收視目標？）我好無大志，希望有22點，逐步逐步嚟，以穩步上揚為目標。」
振朗近日到歐洲12日自駕電單車拍攝旅遊特輯，他表示整個旅程總共騎了二千多公里，過程相當吃力，期間更有兩日落大雨，他自言像香港黑雨一樣，但依然要趕行程繼續揸。問到是否不時向女友楊偲泳報平安？他說：「都有同家人報平安。（咁快做家人？）都估到你哋咁講，咁又唔係好危險，都唔會揸得快，我都有同劇集嘅演員報平安。」