Advertisement

樊亦敏憑聲音搣甩三太形象 李佳芯為覓愛情學識嗲人

本地
2022.09.30
撰文:王崇頴

whatsapp-image-2022-09-30-at-1-37-45-pm

李佳芯、蘇韻姿、樊亦敏、黃智賢、袁文傑、陸浩明及配音導師龍天生、黃鳳英等,今日出席《好聲好戲第二屆畢業作品蜘蛛俠﹕不戰無歸》記者會,現場更向學員頒發畢業證書。原來公司今次安排一眾畢業藝員為該電影進行配音,作為畢業作品,今屆總冠軍樊亦敏表示配音過程相當興奮,而獲獎後亦太多人恭喜她,「一直都好多人恭喜我,其實今次比賽過程好多得着,我一直都好想配為卡通片配音,覺得會好得意,今次經驗令我對講野技巧及節奏有好大幫助,拍劇講對白時,有時候以為自己已講完,但可能真係一個音就改變成句說話,原來係未完結。(開心搣甩三太形象?)依家觀眾好叻,識得去分辦,雖然觀眾好喜歡三太的角色,但我都想話俾大家知,我可以做其他工作,好似汪阿姐話,原來我唔止剩係識演三太,都識做其他嘢,今次的機會真係可以給大家看到我另一面。」

whatsapp-image-2022-09-30-at-1-37-49-pm

李佳芯表示雖然暫時未有開劇,但希望可以嘗試不同範疇的工作,「每個範疇都係一個專業的工作,我希望可以令眼光更廣闊,對我做演員都有幫助,代入其他工作人員的角色,去為別人諗,對做演員都有幫助,演戲都有進步空間,都想在演戲更專業。」

Ali日前於節目中鮮有公開與舊愛陳炳銓分開因由及現時關係,她坦承雙方之間許多問題已醞釀多時,後因疫情關係,相處時間變長,令問題浮面,現時與對方分手後「再見亦是朋友」,仍保持聯絡,「就算朋友長時間相處耐咗都會咁,好正常,而且感情上我又唔識嗲,係正常,識我嘅人都知我性格,反應比較直接,係輸蝕,依家會學識嗲吓,原來每個人都喜歡俾人氹,無論家人及朋友都鍾意。(目前感情狀況?)都依然單身,等上天安排,我擇偶無特別要求,感覺行先,遇到就遇到,不過呢兩年都冇識到新朋友,因為疫情少了出去,而性格又自閉,無辦法!」

聲夢傳奇 星級企業大獎2020 陳卓賢
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹