楊千嬅去年舉行了「MY BEAUTIFUL LIVE 世界巡迴演唱會」，礙於疫情關係令部份巡唱受阻，千嬅今年決定再度踏上紅館舞台，舉行於聖誕及新年期間舉行6場「MY Gratitude 25楊千嬅演唱會2020」，今次演唱會是一個全新創作的演唱會，由舞台設計、歌單、服裝等等都是全新策劃。
千嬅早前為演唱會拍攝海報時，她表示近年發生許多未能估計的事情，沒想到站在舞台上唱歌也會是很困難的事，雖然未知演唱會能否如期舉行，但無論發生任何事，她仍然相信自己的能力及夢想。她直言：「呢條路係唔易行，不過我行咗25年，所以用一個演唱會紀錄自己過去難忘嘅事，人生中有唔少喜樂同眼淚，今次係一個跨年騷，雖然有時睇唔到前路點行，不過自己要相信同有動力，我仍然相信有心跳就有希望，想將呢個正能量帶出嚟。」
她又表示：「喺我25年嘅演藝生涯中，最值得回憶係所有搏命嘅過程，其實我係一個超癲嘅人，決定做一件事就一定要到做為止，例如追磅數、工作目標等，每次都投入去做，有啲朋友叫我唔使咁搏命，但係人生最有意義並唔係得到過程，而係好實在咁活着，呢個滿足感好大。」
近日千嬅除了拍攝「千言．慢煮」外，她也同時灌錄唱片，她笑言再錄唱片好似重回以前做女的心情，她其實是個很無譜的人，但又要守規矩，今次她終於嘗試由自己去做一張唱片，這是她25周年的一本紀念冊。