今日父親節，陳豪與森美一同為他們有份配音的動畫通電影《比得兔2：走佬日記》（Peter Rabbit 2: The Runaway）作宣傳。問到到如何慶祝父親節，陳豪表示與家人安排好節目，他透露7歲大仔陳梓燁（Aiden Joshua）今天要跆拳道考試，他陪囝囝應考兼與家人共度午餐慶祝：「做完嘢，今晚媽媽（陳茵媺）準備晚餐同蛋糕，大家一齊開心食返餐。」他又冧爆地說獲3子女獻吻，相當幸福。
而森美則謂：「仔仔啱啱喺英國返嚟，依家隔離緊。我個女青春期，見到我知我想捉佢嚟錫，兩呎外就跑走，不過佢都孝順，整咗芝士煎蛋同咖啡俾我歎。我老婆就一早同我講話出去整眼睫毛，我問佢咁我點？不過我有同佢夾計，佢負責提仔女父親節，我之前就負責提母親節。」他又自嘲購買電子產品時，變得受歡迎，只要囡囡會偷望自己便感滿足。陳豪笑言：「好彩我個女仲細，而家有得攬好攬，有得錫就錫多啲。」
