梁洛施（Isabella）同李超人幼子李澤楷分手後，專心做全職媽媽照顧3個寶貝仔，甚少出席公開活動。而今個月23日就係佢33歲生，噚晚佢係Instagram share咗幾張靚相，同大家分享慶生喜悅。
Isabella同3位好朋友喺屋企一齊摸杯底，食生日蛋糕，最特別係一堆迷你西多士上面插咗支蠟燭，佢哋仲順便食埋糉過端午節，Isabella留言：「多謝大家咁好客熱情。」
點擊睇更多梁洛施靚相：
梁洛施（本名為梁樂瑤）12歲入行做模特兒，15歲與英皇娛樂唱片公司簽約出道，代表作品有《愛神之箭》（犢關智斌合唱）、《超時空接觸》、《伊莎貝拉》等。Isabella拍攝《神鬼傳奇3》與李澤楷發展地下情，至2008年戀情才正式曝光，其後在2009年及2010年與李澤楷誕下3個寶貝仔，但二人最後在2011年分手，Isabella逐漸淡出娛樂圈。
圖片來源：梁洛施＠Instagram
