現年67歲的林青霞喺MIRROR成軍3周年同日生日，佢喺社交網分享生日照，並大曬勁閃巨鑽戒指同耳環。
林青霞喺生日照下留言：「希望你過得好，什麼事都難不倒，所有快樂在身邊圍繞，一直到老。」從照片中可見，林青霞精神極好，面色紅潤，不過都唔夠身上面嘅首飾吸引眼神，佢手上隻巨鑽戒指仲粗過手指公，真係大到連小編都無法估計有幾多卡（同樣質素的1 卡鑽石，市價也差不多要5萬元了）。話雖如此，都唔及佢老公sweet，因為有消息指林青霞老公邢李㷧送咗棟位於飛鵝山半山，價值11億嘅超級豪宅俾佢。
據知，該豪宅佔地超過5萬呎，戲院、泳池唔使講都知一定有，但係大到有埋網球場同圖書館就真係認真誇張！而且屋企後院仲可以見到仙鶴飛嚟飛去，簡直係神仙級居所。
立即重溫女神林青霞當年風采：
圖片來源：林青霞＠微博
