大馬女神林明禎早前接拍啤酒廣告，宣傳片中更以半露香肩，冷豔眼神定睛注視觀眾說：「睥咩睥？麵包變啤酒，唔得咩？」然後瞬間以其招牌的娃娃音廣東話說：「梗係得啦！包包再造、女神啤啤！」拍攝當日，明禎曾因講錯對白而NG，感到不好意思的她不自覺扁晒嘴，幾乎電暈負責拍攝的攝影師。
林明禎平日說話斯斯文文，原來是一位女中豪傑，她自豪地說：「坦白講，我從來無飲醉過，所以我都好想知我飲醉咗係咩樣。如果我飲醉咗可以變成男仔，我第一件事應該會除衫，攞支啤酒跑去海邊曬太陽。」她透露於疫情期間，因為往來台灣和大馬兩邊工作需要隔離，林媽媽幾乎每天問她有沒有喝酒，因為林媽媽覺得酒精可以殺菌、消毒，果然有其母必有其女，林媽媽與明禎同樣可愛。
擁有22吋腰的明禎，有好身形原來與飲食習慣有關：「我原本係想要環保，所以食少啲肉，我嘅身體、體態，我都覺得變得好好，唔只可以環保，自己都可以變得更加好。嘩，有押韻！」明禎又笑指自己好似麵包與啤酒的混合體，她說：「我覺得我喺屋企人同朋友面前係暖暖嘅麵包，我自己一個人嗰時候，就係好冰涼嘅啤酒。就是外表看起來酷酷的，你認識我之後呢，你反而就覺得我很熱情、很容易親近的。」