本地

林家棟否認回巢TVB掌管製作部 「真係先講啦!」

家棟表示近日傳出回巢TVB出任製作部高層一職,被人問到口啞啞!

林家棟近日傳出回巢TVB出任製作部高層一職,昨晚(19日)他出席電影《第八個嫌疑人》首映禮,親自回應傳聞。家棟笑言多年來吹不少風,「傳就傳咗好多,係未作實,我都收到好多風,啲人係咁問我,我都『吓?吓吓?』呢個係傳聞!(係傾緊未落實?)唔係!有人吹俾我聽,我只係聽嗰個,係問咋,問就冇問過我,呢段時間我都唔知點答!」家楝說不排除任何可能性,「其實不是返不返去做乜嘢,而是有沒有合作可能,不是單一個電視台,就算電影公司『天下一』都有叫我,講真的,我不排除任何可能性,只不過是真係先講啦!」

家棟承認無綫有跟他聯絡,就是叫他參與演出。對於被傳返無綫掌管製作部,他笑說:「遲啲傳我做特首啦!傳啫!係就係,唔係就唔係,傳就唔好當真啦!」他稱對任何崗位都有興趣,連攝影師都想做。現階段他專注於搞劇本, 跟導演傾合作。