「鐵馬家族」的三哥黃嘉樂上周五（19日）與拍拖5年的攝影師女友江惠賢（Samantha）結婚，家有喜事，家族成員馬國明、唐詩詠、林子善都顯得非常興奮，二哥馬國明與準二嫂湯洛雯這一對，特別受注目，大家都猜想很快便輪到他們拉埋天窗。
當天林子善把接新娘的照片上載社交網，有網民留言：「二哥帶埋二嫂來都唔影張合照嘎？」
沒想到林子善不單有看留言，還真的拍了珍貴合照，並與大家分享，他寫道：「珍貴相片！今日有位網友喺網上留言提示，難得二哥二嫂喺度點解唔影相，老實講當晚真係好忙碌，但好彩，我老婆當晚提我難得佢喺齊度，不如同佢哋影返張相紀念一下，我先醒起呢張相喺我老婆電話，再次多謝呢位網友嘅溫馨提示。我記得當晚回家老婆喺車上邊，對二嫂讚不絕口話佢個人好真，講嘢好直接好爽重同佢好啱傾，成晚兩個傾不停，心諗咁就好了，家族好快多一個啱嘴形嘅成員，非常期待，二哥你要快馬加鞭喇！」林子善的期待，也是大多數人的期待，網民都祝福馬明與靚湯早日開花結果。
圖片來源：林子善＠instagram