香港羽毛球代表伍家朗（Angus）昨日比賽時穿上印有「Hong Kong, China」黑色運動上衣和黑色短褲上場，被香港某政黨成員在網上以文字譴責，直指他如果不想代表中國香港，便應選擇退賽。其後大量網民亦跟着和應，指他不遵重中國香港運動員身份，但其實大家留言之前有冇諗過係怪錯好人呢？
伍家朗在事件後出文解釋，因為他與之前贊助商合約經已完結，昨晚的全黑運動服裝是自己的戰衣。至於，未能印上區旗的原因是他沒有得到授權印特區區旗在衣服上，因未經行政長官批准，私自在服裝上印上區旗會犯法。另外他希望參與下場比賽可以修正這問題。
伍家朗回應全文如下：
「又要再回應各位朋友／球迷／網友既疑團，我知道好多人都對我既球衣好關心，因為並唔係我之前着開既球衣牌子，喺上一個post我已經交代左我現時冇球衣贊助，所以着嘅衫係自己，而需要印名嘅比賽球衣都係自己要攞出去街印，但我並冇獲得授權去印上區旗，所以我不能私自把區旗印在衣服上。然而，我一直為自己代表中國香港比賽而感到很自豪，我心底入面都好喜歡哩一朵洋紫荊花。關於區旗既事，我已經喺東京積極處理緊，希望喺下一場比賽之前可以修正番。最後，希望大家睇奧運都係專注睇番運動員喺場上面既表現，而唔係集中喺我件衫上面啦。不過都多謝大家既支持同關心。講完，冇咩事都唔再回應喇，專心比賽。
Btw鬧還鬧，唔該搞清楚件事先鬧啦。」
香港羽毛球隊總教練何一鳴回應本地傳媒時表示，一般運動員作賽時也會穿上贊助商提供的服裝，而伍家朗亦解釋得很清楚，印名字和地區名在戰衣上沒有問題，如若Angus真的有犯規，大會也不會批准他上場比賽。
圖片來源：伍家朗＠Instagram
