李駿傑（Jeremy）首個個人演唱會將於明天（30日）舉行，演唱會舉行在即，Jeremy推出最新單曲《Fever》，新歌由T-Ma作曲及梁栢堅填詞，今次MV畫面帶點火辣，跟Jeremy平時的個性截然不同，他說：「新歌係講鍾意一個人就會鍾意到好似發燒咁樣，一諗起佢就會發燒好熱，日日都好掛住佢好想同佢繼續喺埋一齊嘅感覺。今年想有一首有熱戀階段感覺嘅歌，希望大家可以透過呢首歌，感受到熱戀當中嗰種興奮開心。」
MV與上回《You First》同步在台灣拍攝，同樣由「這群人TGOP」的小宮擔任女主角，上回二人扮演恩愛情侶，今次則是含羞答答的帥哥遇上熱情如火的美少女，MV中小宮走進房中換衫，剪影下見到她脫下身上的衣服，更拋出房外到Jeremy眼前，畫面令人有無限遐想，就連Jeremy自己都說：「今次一啲鏡頭係比上次更大膽，都係第一次MV上有咁嘅嘗試，好在拍時已經係開咗幾日工，小宮又係一個好開朗嘅人，好外向好Friendly，熟咗之後就好啲，只係有少少尷尬。」
選擇在演唱會前夕推出新歌，Jeremy笑言：「演唱會咁重要嘅時刻，梗係要賀一賀佢啦，同埋我都好想可以喺演唱會上唱多啲自己嘅歌，等大家可以更加了解我唔同嘅色彩，而新歌十分適合今次喺舞台上完整地表演俾大家睇，所以就揀喺演唱會前出歌喇！」現時演唱會已準備得七七八八， Jeremy心情複雜說：「仲有一日排舞入台就真係正式Show，心情好緊張好期待呢一日，但又少少唔捨得咁快嚟到8月30號，希望嗰日可以Good Show！」在這個重要日子的來臨，Jeremy也特別留言給Unicorns（粉絲暱稱）說：「好多謝大家一直都咁期待呢個演唱會，都希望俾到大家最好最完美，令大家難以忘記嘅演唱會，希望可以做到我自己心目中嘅100分演唱會，大家可以留下美好回憶！」