李司棋活躍社交平台，除了經常分享吓廚藝，拍片教大家煮返兩味外，最近又執拾家居時，把以前封塵的相片出土；繼之前搵咗兩張玉女照片後，司棋姐又分享一張３歲時的童年照，而照片背後原來有洋蒽。
司棋姐在帖文說：
「原來呢張相仲有彩色版，係我媽咪嘅珍藏！
照片背後的故事：媽媽停孕了十多年後突然生了我，全家人都好開心，之後，爸爸外出做生意，我卻患上腎病，爸爸致電回家，問及我的病情，媽說已好轉，爸卻哽咽說不信，肯定是死了，妳怕我擔心，騙我．（爸媽曾有兒子夭折的前科），於是媽媽帶我去拍了這照片給爸爸看，那是三歲多的我。
慶幸生在父母疼愛的家」
陳敏之見到司棋姐這張相，就留言「得意到我想帶佢返屋企」，而網民人人都讚司棋姐又細靚到大，「嘩! 司棋BB眼仔大大圓碌碌, 好精靈, 好靚女. 真係由細靚到大」、「真係人見人愛，車見車載的可人兒」。