李克勤早前花了兩星期時間完成美國及東莞巡迴演唱會，期間在東莞綵排完吊威也，於高空中不停打轉後，令他不停想嘔。
「平日轉完之後休息一下就沒事，但今次可能個人太攰了，吊完後一直作嘔，晚飯都食唔落。好擔心，以為是作感冒，你知啦，做騷最忌病，好彩休息了一晚就無事。」
今次東莞演唱會，他找來認識三十年老友關淑怡做嘉賓，她打扮性感，一出場就令全場熱度加溫，連克勤都嚇一跳。
「無想過她對觀眾咁好，十分性感行出來，哈哈！我即刻同佢講，我唔敢亂望呀！我怕俾老婆鬧，我只得盡量望你個頭頂啦！」
關淑怡就笑道，「你唔好咁啦….哈，我盡量咁唱啦。」然後用克勤送給她的花擋着件超低胸衫，以作配合。
