朱晨麗（朱朱）早前返老家蘇州過新年，順道陪伴雙親及年邁的婆婆，不過期間傳來婆婆離世的噩耗，令朱朱一時間難以接受。連日來為婆婆身後事奔波的她，表示已送了婆婆最後一程：「婆婆身後事搞好曬，係好傷心難過，唔捨得，但都唔及我媽咪，所以呢段時間成日陪住佢，陪伴係最貴重嘅禮物，尤其係屋企人，咁啱我未開新劇，所以呢排都喺會留喺蘇州。」
提及武漢肺炎肆虐，內地確診人數更不斷上升，朱朱表示也有留意疫情進展，如沒必要也不會外出，她還做足防疫措施，於出發前已準備好口罩及一定數量的消毒用品，所以不用四圍搜購。而朱朱亦未能肯定何時返港，「會再留吓先，因為內地啲疫情都幾勁，我都唔會立亂郁住，不過為己為人，就算我返到香港都會進行自我隔離，希望快啲搵到解決方法，令到啲病者快啲康復。」
