朱千雪（Tracy）近年除了在無綫劇集《降魔的2.0》客串一幕外，幾乎絕迹幕前，全職律師樓工作，昨日她在社交網曬新髮型，仲玩單眼伸脷，電暈一眾網民！雖然髮型同未剪前係差唔多，但佢都留言話：「每次去Salon都問『個頭可唔可以剪到韓劇女主角咁，不過朝早起身唔使整，一碌落床就可以出門口？』明知唔得但係都要問 。」其實使咩要求剪到韓劇女主角咁，你復出拍劇，隨時都可以做女主角喇！