朱千雪（Tracy）上周一生日（28日），朋友眾多嘅Tracy生日周食咗好多蛋糕，而噚日就輪到一班圈中好友蔣家旻、張嘉兒、同埋大緊肚嘅岑杏賢一齊食生日飯，對於大肚傳聞，朱千雪有咩回應呢？
照片中嘅朱千雪手腳仍然纖瘦，但每張相都係影上半身，冇一張睇到個肚，於是就有網民將朱千雪大肚一事講似陳陳。今日某本地傳媒聯絡到朱千雪BB，仲問埋Tracy疑似懷孕一事，結果當然唔係真啦，朱千雪直接否認大肚，同時話今日新post嗰幾張相已經影咗一段時間，只係一直冇時間post，至於點解全部影上半身相，佢就話同蛋糕合照梗係影半身照，聽落都幾有道理，睇嚟網民今次係想像力太豐富。
另外，Tracy 好友岑杏賢亦有出席慶生派對，距離10月預產期只係得3個月時間，但就唔見岑杏賢有一般大肚婆嘅水腫情況，只係睇相，Fit到完全唔覺得佢似就生得，得天獨厚嘅體質真係令人羨慕。
圖片來源：朱千雪、岑杏賢＠Instagram