王祖藍主持的無綫節目《有個閨密叫祖藍》，本周日（21日）播出的一集，嘉賓是祖藍小學同學容祖兒。祖藍坦言小學時好「乞人憎」，並大爆祖兒很受男同學歡迎，指曾有男同學請教他追求祖兒之道。祖藍說：「我斜對面都有同學鍾意你㗎，啲男仔都係鍾意成熟同有女人味嘅女仔。」祖兒聞言感歎謂：「反而大個咗冇乜呢啲嘢（有人追），其實好想搵番細個斯斯文文嘅感覺，我覺得我愈大愈似一個男人，忽略咗做女仔嘅溫柔。」問到二人有否曾經「鍾意過對方」？祖兒即時嚇至噴飯狀，但又貪過癮追問祖藍曾否「動情」？慘遭考起的祖藍停頓三秒後自嘲打圓場謂：「唔夠膽諗，高過我點夠膽諗。」祖兒聞言九秒九抵死反駁：「但大部分人都高過你喎！」
製作組還事先準備了二人六年班班相，「孖祖」一見到即八八卦卦跟循照片追尋昔日回憶，除了對自己小時候「尊容」各有不滿，眼利的「孖祖」還鬥快尋獲彼此初戀對象，更忍不住興奮大爆「對象」中文全名，嚇得祖兒急忙阻止說：「喂！唔好講人全名啦！」之後興起的祖藍再如數家珍般大爆認知中祖兒的「曖昩名單」，當中竟然有李克勤，二人聽到「李克勤」三個字時更不約而同爆笑。
製作組又專誠安排了二人昔日老師及同窗在節目中神秘現身，感人的是，每位亮相嘉賓均對祖兒讚不絕口，其中一名跟祖兒由小學認識到現在的閨密，更大爆祖兒初入行時辛酸史，及祖兒小時候「單純事件簿」。面對突如其來的驚喜及昔日回憶的衝擊，祖兒與祖藍感動又感觸，不約而同落淚，更一度相擁幸福地笑。
