阿Sa（蔡卓妍）跟嫲嫲一向感情很好，久不久就在社交網曬兩嫲孫相聚照，今年初她還爆嫲嫲原來96歲了。今日阿Sa就曬同嫲嫲和姨婆去捧羅家英的首部獨腳粵劇《修羅殿》，兩嫲孫還跟家英哥合照，阿Sa更借用汪明荃的「汪阿Tag」介紹照片中人。
阿Sa留言：「家英哥嘅首部獨腳粵劇《修羅殿》好犀利呀！！！90分鐘一個人演晒所有角色！佩服。我同阿嫲同佢好姊妹都睇得好開心。對上一次同嫲嫲睇粵劇係十歲左右，我細個同嫲嫲住鴨脷洲，所以我哋年年都有得睇，不過今次呢套係打破傳統，比較新穎嘅粵劇。」
阿Sa表示家英哥其中一個角色是女人，「我阿嫲死都唔信係家英哥演，不停話唔係羅家英嚟㗎，笑死我」，並謂：「希望粵劇能夠延續傳承下去」。
