鄭秀文（Sammi）繼5月推出《萬物有時》之後，噚晚預告新歌《新造的人》MV聽晚就會出街，而新歌MV用咗3個月時間製作 ，Sammi會再有破格造型登場。
Sammi日前喺社交平台share MV預告，有百變天后之稱嘅Sammi以往都有唔少經典造型，例如1996年演唱會中嘅Nike眉，2000 年《眉飛色舞》封面，羽毛眉配粉紫色眼影都令唔少人仿妝。Sammi今次出新歌都唔例外，又有新造型，MV預告入面見到Sammi身穿黑色泳衣、仲有而家好hit嘅眉上劉海，更有外星人等造型，令唔少網民都大呼期待MV首播。
圖片來源：鄭秀文＠Instagram