林正峰最近忙於拍攝劇集《回歸》，不過貪玩的他都懂得忙裏偷閒，日前趁劇組放飯，就教一眾同劇演員玩「巨無霸」遊戲，他笑言是玩完即刻精神的遊戲， 玩法是一班人一齊玩，以猜包剪揼，猜輸一次就要放一隻手在中間，最後贏的那個人，就可以大大力打落去，如果兩隻手都無猜輸，就可以食「全餐」，打足兩隻手。當日周嘉洛贏了所以可以食全餐，阿峰是其中一個受害者，嘉洛打時非常認真，一點不留手，一打打完，阿峰雙手全紅，真的睇見都心痛，不過事後嘉洛都非常識做，請晒全組人食飯。