戴耀明接受梁泰來主持的商台《星光背後》節目訪問，暢談入行經過，他中學畢業後先投考無綫藝訓班落選，之後轉投亞視服務兩年，其後再參加93年新秀，又再考94年TVB藝訓班，他笑說：「我千方百計都要入TVB，我享受過程，唔介意只做綠葉。」
戴耀明當年離開亞視，全曾劇集收視低，他說：「我人生第一次坐飛機，是跟張家輝吳大維去加拿大拍《李小龍傳》，當時好開心。劇集出街時，我還買了墨鏡行落地鐵站自覺是明星，結果無人識無反應。所以想過TVB，那份決心是一入去就不會走。」他再考無綫藝訓班，由零開始，同學包括蔡子健、傅明憲等，當時也沒想過自己會跑出或有機會當主角，「無想過自己，因為在亞視遇過挫折，那時校長曾說：『戴耀明該是周星馳接班人！』曾令我心想：『星爺之後仲唔輪到我？』但等了一年、兩年、三年，就是被這句話打沉了，過到TVB已不會奢望。」
戴耀明在這二十八年來，面對人工低、角色小，出街被稱「茄喱啡」，他一直甘之如飴當綠葉。2012年，王維基的HKTV開台，曾以高薪利誘他過檔，「王維基的確有搵過我！他開條件好吸引，人工是接近double！我認是貪生怕死的人，因為他公司剛成立，我又計過數，大家一窩蜂走，公司都需要人用。碰巧當時有行政人員叫我傾約不要走，最後當然加了人工，所以王維基撬我也益咗我，至今我經常說：『我無幫過基哥，但基哥幫咗我！』是真心的！」
戴耀明曾公開向佘詩曼示愛，連早前參加《好聲好戲2》也被開玩笑，讓他配音與阿佘隔離談情，他再次解釋「示愛」純屬搞笑，「是純搞吓笑，那記者朋友叫我搞啲嘢俾大家笑吓吧！阿佘當時都問我：『你搞乜嘢呀？俾你嚇死呀！』又問我要不要回應，我話純粹搞笑啫。」他與阿佘至今仍是單身，被問到可有發展機會，他說：「真的很難，她那位置會讓我很大壓力，只會被叫軟飯王三個字，死梗！」
戴耀明與分手五年的圈外女友Anna去年底復合，更計劃今年年底註冊結婚。身為家中獨子，將完成母親「飲新抱茶」心願，他坦承母親恨抱孫，對此他甚為矛盾，「我今年50，仍有賺錢能力，但將來兒子二十多歲仍讀書，我已經七十幾，經濟壓力真的不少。」