應采兒公開老公絕密照陳小春：「誰啊？」

應采兒與陳小春2010年結婚，9年嘅婚姻生活甜蜜恩愛，被譽為圈中嘅模範夫妻。采兒早前喺微博分享老公嘅童年照，笑言：「陳先生從來沒看過這張照片，他問：『誰啊？』」呢張絕密相片竟然連小春本人都未見過！

相片中，一班著住白色校服嘅小學生排排企合照，最令人注目的莫過於最右邊嘅同學仔，佢高出其他同學成個頭，喺班入面非常突出，原來呢個小朋友就係小春。

細細個嘅小春就識扮cool，冷酷一笑，已流露出陣陣霸氣。而佢嘅一雙大長腿成為粉絲嘅焦點，「最高的那個，感覺最白」、「大長腿啊！腿型真好」、「美腿好sexy啊」、「從小就有大哥氣質了」，亦有人話小春同囝囝Jasper似到十足「簡直和小甜椒一模一樣啊」想像軟萌嘅Jasper大個咗都會好似爸爸一樣型格。