蔡思韵與劉俊謙因電影《幻愛》增加知名度，亦因為電影而結良緣，聖誕將至，兩人一起挑選防疫用品，並親手簽聖誕心意卡送予身邊好友及工作夥伴。
回顧過去一年，蔡思韵視《幻愛》為一個里程碑，感激這部電影帶給的一切，讓更多觀眾認識她，還增加不少演出機會，期望來年有更多不同的新作品面世。劉俊謙很高興除了拍攝電影《幻愛》，還演出了ViuTV劇集《二月廿九》並獲得獎項，其他方面也有不錯的發展。
蔡思韵以往在台灣生活過幾年，感覺香港的聖誕氣氛比台灣更濃，小時候會寫聖誕卡送朋友，長大後再送有另一番感受，她說：「寫聖誕卡呢件事在人大咗反而少做咗；不過今年我都有寫幾張寄去比台灣嘅朋友，手寫卡係有一種溫度喺度，感覺都好唔同。」
劉俊謙以前與朋友交換聖誕禮物，見過不少奇怪禮物，慶幸自己未收過，他說：「有位女性朋友，收到一個剃鼻毛機，我問過佢有冇用？佢真係有用，而我發現佢啲鼻毛真係少咗，對於我來講可能好笑，但對於佢來講都係實用！」
今年聖誕受疫情影響，不宜在外逗留，蔡思韵與劉俊謙就決定留在家中睇戲度過，一起推介合家歡心水電影，「《Love actually》就必睇，周星馳都係，就算睇過好多次都係會笑！其實聖誕過節最緊要一齊開開心心。」