上周世界盃決賽，周星馳（星爺）曾問 法鬥愛犬 Kio(凌凌玖)支持法國隊或阿根廷球隊，結果愛犬背棄法國，選擇阿根廷，最後阿根廷成為今屆世界盃冠軍，昨日星爺在社交平台貼上愛犬Kio被食物包圍的照片，原來牠估中阿根廷球隊勝出，得到星爺美食獎勵。不過最重要是星爺想為愛犬搵另一半，寫道：「Kio 貼中波發咗達！想話成家立室！大家有冇靚女介紹？」不少網民稱最想係睇星爺自己成家立室。即有網民留言表示家中的黑白色法虎靚女「小丸子」係咪OK，星爺亦回覆：「Kio流晒口水，問點樣聯絡！」更有女網民趁機曲線示愛：「Kio缺不缺媽咪？」留言相當搞笑。