由胡鴻鈞、陳嘉慧主演嘅短篇劇集《愛上我的衰神》日前播出大結局，雖然劇中情侶難逃悲劇收場，但淒美結局、紂王亂入同驚喜彩蛋精采非常，令觀眾拍案叫絕。
鄭子誠在劇中飾演司馬大人一角，原來佢係紂王轉世！？當劇情講到c君睇電視，熒幕上竟然出現重播過好多次嘅《封神榜》，仲要係紂王嗌美人嘅畫面，鏡頭一轉，又睇到司馬大人喝到好醉，大嗌「孤王」、「美人」、「酒池肉林」等字眼，網民大讚呢個情節串連好有心思！
至於結局彩蛋，最驚喜一定係將北河同小渝身份互換，令胡鴻鈞成為人生管理員，整蠱送餐員陳嘉慧，二人反應實在好睇。
圖片來源：my TV SUPER(www.mytvsuper.com)
