無綫處境劇《愛‧回家之開心速遞》中飾演朱天梯（TT）的梁証嘉（Kelvin），昨日情人節榮陞爸爸，一索得男。Kelvin與太太結婚接近三年，昨日在社交網大曬一家三口合照，Kelvin抱住剛出世還未收水腫的BB，太太則戴住口罩躺在牀上，Kelvin留言表示：「情人節收到最好嘅禮物，就係多咗一個爸爸嘅身份，而家終於可以同大家分享！」
他更對太太無限感激：「喺陪產僅有嘅十五分鐘，見證到梁太嘅勇敢，同埋體會到世上各位女士嘅勇氣同堅強力量！生BB真係一啲都唔簡單，我好慶幸成個過程都好順利，仲有好多好多嘅人幫我哋！」他多謝完一班醫護人員後，更肉麻多謝太太：「你知我肉麻嘢好少講…不過今次真係忍唔住…下刪3000字，好喇，介紹翻佢就係啱啱出世嘅小Jacob，希望你健康快樂咁成長！歡迎各位爸爸媽媽同我分享吓湊仔經，等我未來呢幾個月唔使咁手忙腳亂。」