由李思捷主持及監製的《思家大戰》第三季，明晚（6日）播出一集，有不老男神之稱的陳曉東率領的「東東Family」隊，成員包括湯寶如、海俊傑、張名雅、鄺星宇，對戰「車神」黃金寶率領的「運動人」隊，成員有立法會議員鄭泳舜、前亞運空手道銅牌得主李嘉維、容樹恒醫生、雷雄德博士。
今集單是兩隊自我介紹已相當精彩，對「男神降臨」大感興奮的思捷，一嚟即向東東表現得滔滔不絕：「九十年代我哋日日都唱你啲歌‥‥‥」身經百戰的東東即打蛇隨棍上宣傳新歌：「我最近plug新歌呀，《燒光了火柴》。」他更即場哼了一小段，中氣與台型兼備，贏得全場拍手和歡呼；之後在答題部分，東東又應要求獻唱經典名曲《劃火柴》。
已是第二度挑戰《思家》的海俊傑，笑言上次玩完返家後即遭太太大懲罰，他說：「我兩個膝頭哥損晒，跪咗一個禮拜玻璃，因為答咗『豬圓肉潤』。」
思捷對「運動人」隊亦大感好奇，他先八卦黃金寶：「你贏過幾多個獎牌？」黃金寶老實但不失謙虛地回應：「真係數唔到，淨係獎牌都擠滿一個細嘅行李箱。」思捷緊接再追問車神每日練習時間，黃金寶Casual回應：「最長試過練八、九個鐘，但我哋單車上面都會食吓嘢、飲吓水。」
李嘉維則在眾人起哄下表演空手道，更欽點思捷做「對手」：「我點到即止（示範），大家想唔想睇我打佢呀？」嘉維每一下飛腳都真的「點到即止」，不過由於飛腳與思捷距離極近，全程把他嚇至面青青兼震騰騰。而令「車神」現身《思家》的幕後功臣雷Sir透露，「運動人」如在節目中贏得獎金，將「全數捐俾鼓勵基層小朋友做運動嘅慈善組織」。
今集最絕核問題是「你女友問你前度女友靚唔靚，你會點講」，有「前科」的海俊傑回答問題時再度「玩火」，遭思捷取笑：「你又跪玻璃喇喎！」另一條問題「你會點叫你父親」雖看似簡單，但雷Sir及容醫生都分別給出「超乎想像」答案，令思捷忍不住感嘆：「全部都富二代嚟嘅」。
