張衛健（Dicky）大年初三（12日）於澳門舉行的演唱會順利完成，原來是已故金牌監製錢國偉（Wilson）最後一個監製的演唱會（4年前已籌備），遺孀陳宛蔚當日帶着6歲女兒Abby去澳門睇騷，給她了解爸爸以前的工作。
陳宛蔚在社交平台分享謂：「初三～帶住阿囡去澳門睇佢daddy人生𥚃最後一個監製嘅演唱會，感觸又感動！原先2020年2月要演出嘅 #張衞健 演唱會，因為一個疫情，hold到4年後嘅2月先可以上演。睇住台上嘅表演，諗起『他』喺籌備時嘅用心，同埋同我分享嘅點滴……阿囡亦都好enjoy，好認真咁聽我解釋俾佢知有關Daddy以前嘅工作，仲有去咗panel參觀。
「真係恭喜晒Dicky澳門 #你值得我等待 演唱會順利完成了！亦都好多謝Dicky，Wilson徒弟Kelvin同埋各位，令到個show可以俾觀眾睇到。仲要多謝Dicky嘅安排，令我同阿囡可以一齊參與Wilson人生中最後一個演唱會！一個非常美好嘅回憶！」