張致恒(Steven)老婆區燕雯(雯雯)日前在ig發長文公告開設新ig,並暗示懷有第4胎。今日雯雯除了發文表示新ig行會員制每月收費$50外,又在限時動態承認有第4胎:「我係有第4胎,至於我要唔要,我覺呢個係我一個人嘅事,亦都唔需要再問我幾多個月,我已經差唔多入醫院!再講,我有第四胎,根本同我離唔離婚係冇關係,我相信,只要我生咗之後,我肯堅持,冇嘢冇可能,呢一刻幫過我嘅人,我一定會記住,呢個世界,冇人講過,一個女人唔可以靠自己照顧屋企。」
雯雯同時強調:「我從來冇問人拎任何一分一毫」,並貼出被網民質問「問人拎錢都叫行得正」的截圖,她亦重申:「我從來冇問人拎錢」,並謂如有心幫她,她一定會還;該網民續指她叫網民幫交租,她可有能力還?她反駁:「你點知我冇能力還?」更指對方不是要幫她,何來資格批評她?