台劇《想見你》上個月雖已播畢，但掀起的熱潮仍未減退，不少觀眾都紛紛翻看劇集。而剛追看完《想》劇的張繼聰（阿聰）就感到十分欷歔，事緣阿聰14歲時曾演出過青春校園劇，年屆40的他不禁感嘆歲月流逝。
阿聰8歲就出道做童星，曾為香港電台電視部演出多部劇集，包括《陽光下的孩子》和《香江歲月》等， 1994年阿聰與唐寧、鄭柏林（柏林仔）、梁漢文和陳玉蓮等合作拍攝《CYC家族》。阿聰今日（24日）上傳多段《CYC家族》的影片，懷愐當年拍劇的青蔥歲月。
阿聰寫道：「睇完《想見你》，真係好正。隨即覺得好欷歔， 因為作為一個演員，我已經太老，冇機會再演依類角色，着校服喎大佬。跟住唔覺意係網上睇到，原來我都拍過校園青春劇。不過，係1994年……P.S. 多謝Renci（楊偲泳）鼓勵我，佢話我都可以演《想見你》，演舅舅。」
Renci回覆說：「有你做舅舅也挺不錯啊！可以免費喝咖啡聽唱片。」阿聰搞笑地話：「我會開健身室，逼佢地三個做gym。」Renci建議阿聰拍一套《想健身》，阿聰則說：「《想健身》太文青，《想舉嘢》啦，健身加懸疑推理。」；唐寧亦透露：「我仲記得拍呢套劇嘅時候，好多女仔暗戀你喎。」阿聰即爆秘密，「喂，唔準爆大鑊，如果唔係我話比大家知，當時好多人明戀你。」
在 Instagram 查看這則貼文
圖片來源：互聯網、張繼聰@Instagram