關心妍（Jade）《妍亮慈善福音演唱會》於昨日（20日）順利完成，一眾圈中藝人義助擔任嘉賓，包括鄧萃雯、衛蘭、衛詩、孫耀威、林欣彤、王祖藍、王君馨、鍾舒漫、鍾舒祺等。
演唱會由鄧萃雯獨白掀起序幕，Jade隨即升上舞台唱出多首歌曲，個唱中播放多條影片，包括Jade媽媽講述女兒入行經過、老公亦分享二人相識故事等等，雯女更在片中大讚Jade「夠乖」，不時參與義工服務。
作為嘉賓的衛詩，在台上重提日本被捕事件，一度講到眼濕濕：「喺日本嘅時候，我都未好認識呢個神，但我都祈禱：『如果你聽到嘅，你救吓我啊？』跟住返到香港好多教友藝人都會主動關心我，嗰時我會諗：『大家都唔係咁熟，你地係咪傻㗎？』後來我走出最低迷嘅時候，我仲將信仰介紹俾埋我家姐。」
Jade女兒「心心」是Fans最期待的嘉賓之一，她表示要身體力行支持父母：「因為我要支持Daddy媽咪，今日帶咗啲朋友一齊唱歌多謝你！」Jade表示多謝女兒生性，笑言「等咗佢好耐」，「上次我演唱會時講等咗佢好耐，啲朋友以為我等佢上台，其實我等咗七年先有佢，所以生命真係天父送比我地嘅禮物。」演唱會完成後舉行慶功宴，Jade笑言：「我問囡囡佢驚唔驚？我怕佢上台會啞咗，但佢好乖成日都練習，所以我都應承佢夾公仔夾到夠本，因為我都幾叻。今次最感動係福音組合上台，但我都叫大家綵排時喊夠先，將最好嘅表演帶比觀眾。」
