今年係張敬軒（軒仔）入行20周年，近日張敬軒粉絲為偶像送上驚喜，租郵輪LED寫賀詞祝賀佢入行20年。軒仔噚日喺IG出post，用千字文多謝粉絲。
張敬軒
軒仔噚日喺IG upload咗一段片，片中可見郵輪船身LED燈有「HINS CHEUNG HAPPY DEBUT 20TH ANNIVERSARY」字樣，原來粉絲喺軒仔唔知情嘅情況下租咗郵輪祝賀佢入行20週年，令佢好感動。軒仔表示呢段片係喺收工後回家路上見到，「重覆看着，是久久不能入睡。一帆風雨路三千，今年是我在這個行業當中的第20個年頭，很感恩，卻也有躊躇。」
張敬軒粉絲軒仔入行２０年安排的慶祝活動
張敬軒粉絲軒仔入行２０年安排的慶祝活動
軒仔稱新世代歌迷應援方式對佢嚟講，充滿新鮮感但又好遙遠，因為當年同佢同行嘅粉絲朋友，而家好多已經投身社會工作、甚至已是父母。軒仔指近年自己出歌、出碟、開演唱會及開餐廳等新攪作，佢都係抱住「有錢就捧個錢場，有人就捧個人場」嘅心態，因為唔想大家為佢太過破費，畢竟佢都喺十七、八歲嘅時候投身社會，都有打過幾份工，深知生活唔容易，特別喺疫情當中。所以都想大家都留錢傍身，積榖防饑未雨綢繆。
軒仔最後衷心多謝每位為佢籌備呢份禮物所付出嘅心機、時間同資源，亦亦多謝一直默默以各種方式支持佢嘅各位，不過下次大家都係唔好為佢破費。
圖片來源︰張敬軒＠Ｉｎｓｔａｇｒａｍ
