張家輝擕自導自演的新片《贖夢》到意大利烏甸尼遠東電影節參與競賽單元，臨離開烏甸尼亦有跟邱禮濤導演，及祝紫嫣導演出席電影節座談會，及接受歐洲傳媒訪問，分享執導新作點滴。
家輝席間除了分享影片創作起源，一起「解夢」外，亦回答影迷問題。被問到自導自演感受如何？家輝坦言：「我就刻意將我演員嗰個崗位嘅戲分，Cut咗起碼一半以上。」他又不失搞笑說：「其實我係一個好famous嘅演員嚟㗎嘛，咁但係我都要Cut自己嘅戲，當我去到Set嘅時候，其實我根本冇辦法兼顧到咁多事情，有陣時我甚至乎去完個Set返去個Monitor，我都返唔到去，即係次次條路我都唔知點樣先可以返到去，工作人員終於貼啲大力膠布俾我，指引我返去。」被問到為甚麼他喜歡自己做而不是找別人？家輝直言：「咁因為我自己本身就係一個好好嘅演員，我都攞過好多獎。」