港隊花劍代表張家朗、蔡俊彥、張小倫與吳諾弘今日（01/08）於東奧男子花劍團體賽名列第7，為港隊的花劍項目歷史創造佳續。張家朗首奪金牌，令全港亢奮，萬眾齊心為港隊運動員打氣，他昨日於賽後在IG撰文抒發感受，寫道：「東京奧運之旅終於完結了，由個人賽到今日團體賽，好多謝香港嘅市民對我嘅支持。今次奧運對我哋男花嚟講係特別有意義，因為我哋可以參加團體賽。過去一年，疫情令我哋少咗好多比賽機會，但反而加強咗我哋男花嘅團結，我哋去奧運是四名運動員，但如果無整個花劍組，每一位運動員每一位教練同我地一齊訓練，我哋無可能登上奧運舞台，所以，我地每一位花劍運動員，教練，都係我哋男花團體嘅成員。」
雖然港隊花劍項目已經比賽完畢，但張家朗不忘提醒大家向其他運動員打氣，並透露即將有新的目標，「東京奧運嘅賽事未完㗎，大家都要繼續支持其他香港運動員啊！嚟緊我哋會緊接出戰全運會，我哋會繼續努力，希望每一位香港人都同我哋一齊努力啊！」
港隊花劍代表明天會從東京直飛深圳，作強制隔離後全力投入準備全運會賽事，但吳諾弘與教練Greg分別因選拔與簽證問題，未能隨隊往深圳，將會返回香港，張家朗、蔡俊彥、張小倫則要完成9月底的全運會才能返港。
部分圖片來源：張家朗、吳諾弘@Instagram
